🇨🇦加拿大讀書途徑陷阱你要知(一) 👀

加拿大今年六月開放咗兩條港人專屬嘅移民途徑，礙於工作途徑需要申請時持有五年內嘅學歷證明，所以大多香港人都紛紛轉向讀書途徑📚，但讀書途徑又係咪你想像中咁簡單呢？如果唔小心跌落陷阱，可能令你唔可以順利申請永久居民身份。就等我哋為大家逐一拆解啦！

陷阱：讀完書大把時間可以申請永久居民身份？

為咗符合申請Stream A嘅條件，相信大家都不停搵合適嘅課程去涵接自己嘅工作經驗，但大家可能會忽略咗申請永久居民係需要持有有效嘅臨時居留簽證。即使讀完書又要等到有畢業證書🎓先可以申請Stream A，但學生簽證嘅有效期又冇咁長，咁點算好呀？🧐

定啲嚟！只要係加拿大國際留學生，畢業後並符合資格就可以申請畢業後工作簽證（PGWP），目的係希望國際畢業生可以合法繼續留係加拿大以提供生產力，同時亦讓他們有機會取得加拿大永久居留權。所以大家記謹要申請PGWP去延長加拿大居留權，咁就有充裕嘅時間去處理永久居民申請啦！🙌🏻

陷阱：所有學校/課程都可以申請PGWP？

大家揀選學校/課程要留意👀，因為並唔係所有學校/課程都可以申請PGWP，所以報讀課程前記得要去加拿大政府官網做下research🔍，確認一下所選嘅學校/課程係咪可以申請PGWP。

文章後段提供咗搜尋步驟，大家可以參考一下

其實畢業後工作簽證（PGWP）都係屬於開放式工作簽證（Open work permit）嘅一種，所以大家係等待PR審批嘅期間持有PGWP，可以係加拿大從事任何嘅工作㗎！

申請PGWP嘅注意事項

1. 申請PGWP有效期間📆

PGWP設有申請時限，需於畢業前最後一個學期成績公布後180天內提交申請。若果想申請PGWP嘅話，最好係成績公布前就準備好資料，否則錯過咗就冇機會㗎啦！

2. PGWP有效期取決於所讀課程📚

PGWP嘅有效期係取決於申請人係加拿大所完成嘅課程。若課程時間超過八個月而未長達至兩年，該畢業生就可申請等同於課程時間嘅PGWP；若課程時間為兩年或以上，則可申請最長三年嘅PGWP；但若課程時間少於8個月就未能符合資格申請PGWP。

3. 只有一次申請機會📝

你人生中只可以申請一次PGWP，換言之你並唔可以畢業後申請一次PGWP，之後再修讀進階課程然後再申請第二次PGWP。所以要好好考慮呢個唯一嘅機會！

申請資格

1. 所就讀的院校須為合格的DLI (Designated Learning Institution)

(注意: 非所有的院校都符合資格申請PGWP)

2. 申請時需持有有效的學生簽證

3. 於加拿大完成並取得一個為期至少八個月課程的有效學位

4. 持有學校的畢業證書或成績單

大家可以參考下列步驟，了解一下所選學校/課程是否符合資格申請PGWP：

第一步: 選擇學校的省份

第二步: 於查詢框輸入學校名稱，即可查看所選學校是否提供PGWP

第三步: 如Yes旁邊顯示details的話，請點擊查看詳細條件及規定

想知道所選學校/課程是否能提供申請畢業後工作簽證？
（立即點擊查詢官網以了解詳情）