【緊急警示】香港好小事 加拿大就大件事 關乎人生安全 你千萬不要忽視

早幾日突然📱手機不停「嘟嘟嘟」聲咁響，嚇到小編以為個手機有問題又或者發生咩危急情況。😖原來係政府發出「緊急提示」警報⚠️，呼籲市民如非必要避免前往伊利沙伯醫院，小編個心先定一定。其實加拿大同樣擁有類似嘅「緊急警示系統」（The National Public Alerting System，NPAS)，但去到加拿大你就千祈唔好忽視佢嘅重要性啦！快啲睇落去了解下對你有幾重要啦！

認識加拿大的「緊急警示系統」⚠️

加拿大全國同樣攞有一個「緊急警示系統」— Alert Ready，主要通過電視、廣播等連接向市民人發出關乎人生安全嘅警報。咁究竟咩情況先屬於緊急情況呢？你可以參考下圖簡單列出警報嘅種類，例如火災🔥、龍捲風🌪️、與兒童危險相關👦🏻等。由於種類繁多，所以系統涉及各方面組織嘅支援同合作，包括省、地區、聯邦政府等，希望市民可以即時收到最新嘅資訊同警報。

資料來源：Alert Ready

適當的定期演習📅

雖然香港2020年已經開啓咗呢個「緊急警示系統」功能，但因為一直未使用過同時市民缺乏相關認知，所以引起咗一場恐慌，令大家咁大回響。小編怕濫用咗呢個「緊急警示系統」，遲下會好似「狼來了」，喪失咗原本的作用。

小編覺得可以學習下加拿大嘅做法，可以定期演習，會事先預告大眾演習嘅時間，等大家習慣一下同時亦可以教育大眾警示嘅作用。當然，香港同加拿大嘅生活環境唔一樣，以安省為例，下圖就顯示咗2021年就發出咗58個與🌪️龍捲風相關嘅警示。

當然呢個緊急警示係用嚟提醒大家，保護大家嘅人身安全，但小編都係覺得警示愈少出現，愈少緊急情況發生就當然最好。🤗如果事無大小都響一次，小編怕聽完會發惡夢。

資料來源：Alert Ready