【加拿大移民必知!】到底咩係NOC職業分類? 申請永久居民特快通道須知!
日前加拿大移民局宣佈在 2022/11/16起, 開始使用 新制 NOC 2021 嚟區分各種職業, 相信大家未必對NOC-TEER水平分級有深入嘅認識, 所以小編今次帶大家了解到底咩係NOC, 佢嘅重要性和會點影響大家運用特快通道(Express Entry)去申請加拿大永久居民。
NOC-TEER是什麼?
NOC全名為National Occupational Classification, 代表加拿大全國職業分類, 喺加拿大政府用嚟分類職業嘅標準，將所有職業分為唔同嘅類別，再為每個職業分配一個四位數字嘅代碼。而TEER 代表 Training培訓、 Education教育、 Experience經驗 以及 Responsibilities責任，呢四大標準將重新定義加拿大對職業嘅要求，可以更精準劃分申請嘅類別。
新制NOC 2021 TEER | 新制職業分類 | 舊制NOC 2016 分類 |
TEER 0 | 管理層職業 | 技術0類 |
TEER 1 | 需要擁有大學及以上學位，或在2級的特定職業中擁有數年經驗 | 技術A類 |
TEER 2 | 在社區學院、技術學院或CEGEP完成兩到三年的高等教育課程，或者完成兩到五年的學徒培訓計劃，或在3級的特定職業中擁有數年經驗。 | 技術B類 |
TEER 3 | 在社區學院、技術學院或CEGEP完成不到兩年的專上教育課程，或少於2年的學徒培訓，或在職培訓6個月以上的，或具有指定的工作經驗以及中學學歷，或在4級的特定職業中擁有多年經驗。 | 技術C類 |
TEER 4 | 高中畢業，或在職培訓數週，或在5級的特定職業中擁有多年經驗。 | 技術D類 |
TEER 5 | 擁有短期工作經驗，沒有正式的教育要求。 | 技術E類 |
NOC職業列表嘅主要作用係俾加拿大政府了解國家嘅勞動力狀況，並且進行統計同埋分析，仲可以幫助加拿大嘅雇主雇用員工或者為就業者搵到合適嘅工作，並且依據分類，去協助加拿大聯邦移民局發放PR同Work Permit。每10年，NOC代碼表都會進行一次重大嘅結構修訂，以確保及時反映加拿大勞動力市場嘅情況。
你嘅NOC-TEER代碼重唔重要?
對於加拿大移民局嚟講, 申請人能唔能夠填寫正確嘅NOC 代碼係十分重要, 如果移民局認為申請人填寫嘅NOC代碼與佢工作經驗唔符合嘅話, 移民局係有權否決該申請或要求申請人重新填寫正確嘅個人資料。
點樣搵到自己嘅NOC代碼?
步驟1：點選「NOC 2021 Version 1.0」
步驟2：選擇「Enter your job title」→ 搜尋後就會出現職業代碼。
新制NOC和舊制NOC有什麼分別?
舊制NOC主要係用工作行業來局分申請人嘅技能水平, 而新制NOC則運用TEER 四大標準嚟定義職業嘅要求。最大嘅分別在於新制NOC將申請人教育水平同工作經驗作為新嘅衡量標準, 而並非只係用工作行業嚟判斷申請人嘅技能水平, 所以新制NOC對於衡量申請人嘅技能水平較為全面。
新制NOC會如何影響移民人士申請PR？
對於移民人士黎講，NOC就好重要，因為會影響佢哋喺加拿大工作同埋定居嘅情況。以下係可能會有嘅影響：
1. 移民申請：加拿大聯邦經濟類移民同加拿大經驗類移民計劃要求申請人嘅職業必須係NOC入面，而且要符合特定嘅職業要求。
2. 工作許可：移民人士要係加拿大做嘢，需要持有有效嘅工作簽證。NOC代碼會影響工作許可嘅種類同埋工作簽證嘅時間。
3. 移民後嘅職業發展：移民人士喺加拿大揀職業嘅時候，NOC代碼會影響佢哋職業發展嘅方向。有啲職業可能會比較受歡迎，有啲可以會有好啲工資同埋福利，而有啲職業就可能相對冇咁穩定。
4. 教育同埋培訓：移民人士可能要進一步學習同埋接受培訓，以符合加拿大嘅職業要求。NOC代碼可以幫佢哋揀啱啲嘅教育同埋培訓方案。
總體而言，NOC對有興趣去加拿大發展嘅人嘅職業選擇、移民申請同工作簽證等方面都有好大嘅影響。移民人士要了解NOC同埋點樣搵到自己嘅職業對應嘅NOC代碼，以便更好嘅規劃自己嘅職業發展同埋移民計劃。
Commentaires